«Bordo» Fransiya 4-divizioniga tushib ketdi.
Fransiya futbol federasiyasi olti karra mamlakat chempioni yana bir bor quyi ligaga tushib ketishini ma’lum qildi. Avvalroq «Bordo» moliyaviy muammolar tufayli Fransiyaning ikkinchi kuchli ligasidan uchinchisiga o‘tgandi.
FFF moliya qo‘mitasining bugungi yig‘ilishida klub ushbu muammolarga qaramay uchinchi divizionda qolish uchun bahslashmoqchi bo‘ldi, biroq bunga erisha olmadi. Jirondinliklar Fransiya olimpiya qo‘mitasiga murojaat qilishlari mumkin.
«Bordo» o‘tgan hafta ular bankrotlik to‘g‘risida ariza berganliklarini va professional maqomini yo‘qotishlarini tasdiqladilar. Barcha futbolchilarning shartnomalari bekor qilinadi.
