Jan-Filipp Mateta argentinalik futbolchilarning shov-shuvli hayqiriqlari haqida gapirdi.
Eslatib o‘tamiz, Amerika Kubogidagi g‘alabani nishonlash chog‘ida Argentina terma jamoasi futbolchilari Fransiya terma jamoasi o‘yinchilari haqida tajovuzkor qo‘shiq aytishgandi: "Ular Fransiya terma jamoasida o‘ynaydi, lekin hamma Angoladan keladi. Ularning onalari nigeriyalik, otalari kamerunlik, lekin pasportida “fransuz” deb yozilgan", – deyilgan qo‘shiqda.
Videoni “Albiseleste” va “Chelsi” yarim himoyachisi Enso Fernandes ijtimoiy tarmoqqa joylashtirgan, biroq ko‘p o‘tmay jonli efirni to‘xtatib qo‘ygan.
Keyinroq Enso ijtimoiy tarmoqlarda omma oldida uzr so‘radi va o‘zining xatti-harakati uchun “Chelsi”dagi jamoadoshlaridan ham uzr so‘radi.
Futbol bo‘yicha Olimpiya o‘yinlarining chorak finalida Fransiya va Argentina terma jamoalari to‘qnash kelishadi. Uchrashuv 2 avgust kuni bo‘lib o‘tadi.
"Argentina – amaldagi jahon chempioni, o‘zi ishtirok etayotgan barcha turnirlarda har doim final bosqichiga chiqadigan jamoa.
Yaqinda sodir bo‘lgan voqea barcha fransuzlarga ta’sir qildi. Ko‘ramiz, chorak finalda nima bo‘ladi", - dedi "Kristal Pelas" va Fransiya olimpiya terma jamoasi hujumchisi.
