XOQ Umar Kremlyov boshchiligidagi IBAni Olimpiya o‘yinlarida ayol bokschilar bilan janjalda aybladi.
XOQ 2023 yilgi jahon chempionatida gender testidan o‘ta olmagan sportchilar Xalqaro boks assosiasiyasining “to‘satdan va o‘zboshimchalik bilan qabul qilingan qarori qurboni” bo‘lganini aytdi.
Xalqaro olimpiya qo‘mitasi (XOQ) o‘z saytida 2023 yilgi jahon chempionatida gender testidan o‘ta olmagan jazoirlik Iman Xelif va tayvanlik Lin Yutingning Parij Olimpiadasida ishtirok etishi yuzasidan bayonot e’lon qildi.
XOQ bu ikki sportchini 2023 yilgi Jahon chempionatida "hech qanday qonuniy jarayonsiz to‘satdan diskvalifikasiya qilinganida IBAni qattiq tanqid qildi.
Qayd etilishicha, qaror dastlab faqat IBA Bosh kotibi tomonidan qabul qilingan (bu lavozimni Kris Roberts egallaydi) va keyinchalik IBA boshqaruvi uni ratifikasiya qilgan va “gender testini o‘tkazishning aniq tartibi” belgilanishi kerak, degan qarorga kelgan.
XOQ har ikki sportchiga Parijdagi o‘yinlarda ishtirok etishga ruxsat berdi. 28 yoshli Lin Yuting ikki karra jahon chempioni (2018, 2022), 25 yoshli Iman Xelif esa 2022 yilgi jahon chempionatining kumush medali sohibiga aylandi. Ikkala sportchi ham Tokio-2020 Olimpiadasida qatnashgan.
