ХОҚ Умар Кремлёв бошчилигидаги ИБАни Олимпия ўйинларида аёл боксчилар билан жанжалда айблади.
ХОҚ 2023 йилги жаҳон чемпионатида гендер тестидан ўта олмаган спортчилар Халқаро бокс ассоциациясининг “тўсатдан ва ўзбошимчалик билан қабул қилинган қарори қурбони” бўлганини айтди.
Халқаро олимпия қўмитаси (ХОҚ) ўз сайтида 2023 йилги жаҳон чемпионатида гендер тестидан ўта олмаган жазоирлик Иман Хелиф ва тайванлик Лин Ютингнинг Париж Олимпиадасида иштирок этиши юзасидан баёнот эълон қилди.
ХОҚ бу икки спортчини 2023 йилги Жаҳон чемпионатида "ҳеч қандай қонуний жараёнсиз тўсатдан дисквалификация қилинганида ИБАни қаттиқ танқид қилди.
Қайд этилишича, қарор дастлаб фақат ИБА Бош котиби томонидан қабул қилинган (бу лавозимни Крис Робертс эгаллайди) ва кейинчалик ИБА бошқаруви уни ратификация қилган ва “гендер тестини ўтказишнинг аниқ тартиби” белгиланиши керак, деган қарорга келган.
ХОҚ ҳар икки спортчига Париждаги ўйинларда иштирок этишга рухсат берди. 28 ёшли Лин Ютинг икки карра жаҳон чемпиони (2018, 2022), 25 ёшли Иман Хелиф эса 2022 йилги жаҳон чемпионатининг кумуш медали соҳибига айланди. Иккала спортчи ҳам Токио-2020 Олимпиадасида қатнашган.
