"Chelsi" "Gremio"ning hujumkor yarim himoyachisi Gabriel Mekni qo‘lga kiritish ustida ishlamoqda, deya xabar beradi braziliyalik jurnalist Bruno Andrade.
Manbaga ko‘ra, London klubi vakillari Braziliyada bo‘lib, 16 yoshli yarim himoyachining transferi bo‘yicha muzokaralar olib borilmoqda.
"Chelsi" 7 million yevro + 7 million bonus taklif qilmoqda. "Gremio" 10 million yevro miqdorida belgilangan transfer narxini talab qilmoqda.
Mekni "Manchester Yunayted" va Dortmundning "Borussiya" klublari ham kuzatib bormoqda.
Mek hali "Gremio" asosiy jamoasida o‘ynamagan.
