Konor Gallaxer "Chelsi"da muntazam o‘yin amaliyotiga ega bo‘la olmaydi.
Sky Sports nashri xabariga ko‘ra, yarim himoyachi asosiy tarkibning to‘laqonlik futbolchisi bo‘lmasligi haqida ogohlantirilgan. "Ko‘klar"ning yangi bosh murabbiyi Enso Mareska yarim himoyachini rotasiya o‘yinchisi sifatida ko‘rmoqda.
Shu bilan birga, ta’kidlanishicha, "Atletiko" Gallaxerdan shu hafta oxirigacha kelajagi borasida bir qarorga kelishini talab qilmoqda. "Chelsi" bilan 34 million funt (40 million yevro) evaziga transfer kelishib olindi.
Konor Ispaniyaga ko‘chib o‘tishdan manfaatdor, biroq u bilan uzoq muddatli shartnoma imzolashsa, qolishga ham tayyor. U "2+1" sxemasi bo‘yicha taklif qilingan shartnomani imzolashdan bosh tortdi.
Ta’kidlanishicha, londonliklar shogirdning kelasi yozda tovonsiz ketishini istamaydi.
