Italiyaning "Milan" klubi transfer bozorida faol, nafaqat xaridlar, balki sotuvlar bo‘yicha ham. Ulardan yana biri jamoa yarim himoyachisi Tommazo Pobega bo‘lishi mumkin. Stefano Pioli qo‘l ostida u hech qachon asosiy jamoa tarkibiga kira olmagan, klubning yangi bosh murabbiyi Paulo Fonseka esa Tommazoni unchalik yoqtirmaydi.
pianetamilan.it xabariga ko‘ra, Pobega tez orada o‘tgan mavsumni to‘rtinchi o‘rinda yakunlagan “Bolonya” futbolchisiga aylanishi mumkin. Kelishuv tafsilotlari hozircha e’lon qilinmagan.
