"Manchester Siti" yangi mavsumda vinger Oskar Bobbga ishonishga tayyor.
21 yoshli futbolchi mavsumoldi turneni ajoyib o‘tkazdi, to‘rtta o‘rtoqlik o‘yinida ikkita gol urdi va uchta golli uzatmani amalga oshirdi. Norvegiyalik o‘z iste’dodini anchadan beri isbotlagan, ammo unga "shaharliklar"ning asosiy tarkibidan joy olishiga ishonish oson emas, shuning uchun matbuotda futbolchining ketishi mumkinligi haqida mantiqiy gaplar ketmoqda.
Insayder Fabrisio Romanoning so‘zlariga ko‘ra, Bobbni “Manchester Siti”ga qo‘yib yuborish rejalari yo‘q, ayniqsa Xulian Alvares jamoani tark etsa. Bosh murabbiy Pep Gvardiola Oskarni juda qadrlaydi.
