"Yuventus" futbolchisi Gleyson Bremer jamoaning yangi bosh murabbiyi Tiago Motta haqida o‘z fikrlari bilan o‘rtoqlashdi.

Dushanba kuni klub braziliyalik futbolchi bilan shartnomani uzaytirganini e’lon qildi. Markaziy himoyachi "byankonerilar" bilan 2029 yilgacha shartnoma imzoladi.

“Boshqa klublar bilan variantlardan voz kechdim, chunki men allaqachon katta klubda o‘ynayapman. Motta meni ishontirdi, u bilan birgalikda muvaffaqiyatga erishamiz deb o‘ylayman. Men “Yuventus”ning yangi loyihasiga ishonaman.

Menimcha, jamoa yanada jipslashgan. Bu ilgari sodir bo‘lmagan emas, shunchaki biz hozir ancha uyushgandek ko‘rinamiz.

Motta ajoyib murabbiy. Biz jismoniy tayyorgarlik ustida ko‘p ishlaymiz. Ba’zilar yangi murabbiy qo‘l ostida biz faqat to‘p bilan shug‘ullanamiz, deb o‘ylashadi, ammo unday emas. Bizdan hamma narsada eng yaxshi bo‘lishimiz talab qilinadi. Mashg‘ulotlarimiz va o‘rtoqlik o‘yinlarimizdan allaqachon ayon bo‘lmoqdaki, biz avvalgidan ko‘ra tajovuzkor o‘ynayapmiz», - dedi Bremer.