"Ювентус" футболчиси Глейсон Бремер жамоанинг янги бош мураббийи Тиаго Мотта ҳақида ўз фикрлари билан ўртоқлашди.
Душанба куни клуб бразилиялик футболчи билан шартномани узайтирганини эълон қилди. Марказий ҳимоячи "бьянконерилар" билан 2029 йилгача шартнома имзолади.
“Бошқа клублар билан вариантлардан воз кечдим, чунки мен аллақачон катта клубда ўйнаяпман. Мотта мени ишонтирди, у билан биргаликда муваффақиятга эришамиз деб ўйлайман. Мен “Ювентус”нинг янги лойиҳасига ишонаман.
Менимча, жамоа янада жипслашган. Бу илгари содир бўлмаган эмас, шунчаки биз ҳозир анча уюшгандек кўринамиз.
Мотта ажойиб мураббий. Биз жисмоний тайёргарлик устида кўп ишлаймиз. Баъзилар янги мураббий қўл остида биз фақат тўп билан шуғулланамиз, деб ўйлашади, аммо ундай эмас. Биздан ҳамма нарсада энг яхши бўлишимиз талаб қилинади. Машғулотларимиз ва ўртоқлик ўйинларимиздан аллақачон аён бўлмоқдаки, биз аввалгидан кўра тажовузкор ўйнаяпмиз», - деди Бремер.
