"Jirona" ukrainalik hujumchi Artem Dovbikga Kataloniya jamoasidagi o‘yini uchun minnatdorchilik bildirdi.

"Klub Artyom Dovbikga biz bilan o‘tkazgan mavsumdagi harakatlari, mehnati va fidoyiligi uchun minnatdorchilik bildiradi. Uning chiqishlari va fidoyiligi biz erishgan muvaffaqiyatlar uchun asos bo‘ldi.

Omad tilaymiz, Artyom", - deyiladi "Jirona"ning klub rasmiy saytidagi bayonotida. Eslatib o‘tamiz, bu bayonot Dovbikning "Jirona" kichik klub ekanligi haqidagi shov-shuvli so‘zlaridan oldin e’lon qilingan edi.

Oldinroq Rim klubi "Jirona"ga bonuslarni hisobga olmaganda 30,5 million yevro to‘lagani xabar qilingandi. Futbolchining o‘zi Italiyaga o‘tish uchun "Atletiko Madrid" taklifini rad etdi.

O‘tgan mavsumda Dovbik barcha turnirlarda 41 ta o‘yinda qatnashib, 25 ta gol va 10 ta golli uzatmani amalga oshirgan. Futbolchining klub bilan amaldagi mehnat shartnomasi 2028 yilning yoziga qadar amal qiladi. Transfermarkt portalida berilgan ma’lumotlarga ko‘ra, futbolchining bozor qiymati 35 million yevroni tashkil qiladi.