«Manchester Siti» hujumchisi Xulian Alvares «Atletiko Madrid»ga o‘tishga yaqin turibdi.

Argentinalik futbolchi Pep Gvardiola jamoasidagi rolidan norozi, shuning uchun u vaziyatni o‘zgartirishga qaror qildi. Tez orada 24 yoshli forvard «matraschilar» safiga o‘tishi mumkin - transfer narxi, mavjud ma’lumotlarga ko‘ra, bonuslarni hisobga olgan holda 80 million yevroga etadi. "Diario Ole" qayd etganidek, agar kelishuv amalga oshsa, bu sotuv «Manchester Siti» tarixidagi eng qimmat savdo bo‘ladi.

«Siti»ning ayni damdagi rekordi bu Raxim Sterling bo‘lib, «Chelsi» o‘tgan yili uning uchun 56 million yevrodan sal ko‘proq to‘lagan. Ikkinchi o‘rinni Ferran Torres egalladi - u «Barselona»ga 55 million yevroga sotib yuborilgandi.