Londonning "Chelsi" klubi "Atletiko Madrid" hujumchisini sotib olishga bir qadam qoldi. Jurnalist Fabrisio Romanoning so‘zlariga ko‘ra, Samuel Omorodion “Stemford Brij”ga ko‘chib o‘tishga yaqinlashmoqda.
Qayd etilishicha, “Chelsi” yarim himoyachisi Konor Gallaxer bugun “Atletiko”ga o‘tishini yakunlash uchun Madridga yo‘l oladi. Transfer summasi 40 million yevroni tashkil qiladi, ammo “Chelsi” Omorodion transferi uchun deyarli bir xil pul to‘lashi kutilmoqda.
Madridning “Atletiko” klubi “Manchester Siti” bilan Xulian Alvaresning transferi borasida kelisha olgani uchun Omorodion borasidagi pozisiyasini yumshatdi. Diyego Simeone jamoasi argentinalik uchun 75 million yevro to‘lashi kerak.
