Лондоннинг "Челси" клуби "Атлетико Мадрид" ҳужумчисини сотиб олишга бир қадам қолди. Журналист Фабрицио Романонинг сўзларига кўра, Самуэль Омородион “Стэмфорд Бриж”га кўчиб ўтишга яқинлашмоқда.
Қайд этилишича, “Челси” ярим ҳимоячиси Конор Галлахер бугун “Атлетико”га ўтишини якунлаш учун Мадридга йўл олади. Трансфер суммаси 40 миллион еврони ташкил қилади, аммо “Челси” Омородион трансфери учун деярли бир хил пул тўлаши кутилмоқда.
Мадриднинг “Атлетико” клуби “Манчестер Сити” билан Хулиан Альвареснинг трансфери борасида келиша олгани учун Омородион борасидаги позициясини юмшатди. Диего Симеоне жамоаси аргентиналик учун 75 миллион евро тўлаши керак.
