“Yuventus” “Portu” futbolchisi Venderson Galenoni sotib olishga yaqin turibdi.
Turinliklarning 26 yoshli futbolchiga qiziqishi o‘tgan oyda ma’lum bo‘lgandi. Sky Sport nashrining yangilangan ma’lumotlariga ko‘ra, braziliyalik futbolchi transferga rozi bo‘lgan. "Keksa senyora" kelishuvni amalga oshirish uchun "Portu" bilan transfer shartlarini kelishib olishda davom etmoqda. "Ajdarlar" vingerni sotishdan 30 dan 35 million yevrogacha daromad olish niyatida.
Venderson Galeno o‘tgan mavsumda 48 o‘yinda 16 gol va 12 golga assistentlik qilgan.
