"Manchester Yunayted" yarim himoyachisi Kazemiro klubda qolishi mumkin.
“Qizil iblislar” rahbariyati braziliyalikni sotishga qaror qildi va uzoq vaqtdan buyon uning pozisiyasiga yangi futbolchi qidirdi, biroq “Real”ning sobiq yulduziga talab unchalik katta emas. The United Stand xabariga ko‘ra, klub hali ham 32 yoshli yarim himoyachi bilan xayrlashish niyatida, ammo hozircha hech kim transferga qiziqmayapti.
Kazemiroga da’vogarlar orasida Saudiya Arabistoni chempionati vakillari ham bor edi, biroq muzokaralar natija bermadi. Transfermarkt ma’lumotlariga ko‘ra, futbolchining transfer qiymati 20 million yevroni tashkil etadi va uning shartnomasi 2026 yilgacha mo‘ljallangan.
