"Манчестер Юнайтед" ярим ҳимоячиси Каземиро клубда қолиши мумкин.
“Қизил иблислар” раҳбарияти бразилияликни сотишга қарор қилди ва узоқ вақтдан буён унинг позициясига янги футболчи қидирди, бироқ “Реал”нинг собиқ юлдузига талаб унчалик катта эмас. The United Stand хабарига кўра, клуб ҳали ҳам 32 ёшли ярим ҳимоячи билан хайрлашиш ниятида, аммо ҳозирча ҳеч ким трансферга қизиқмаяпти.
Каземирога даъвогарлар орасида Саудия Арабистони чемпионати вакиллари ҳам бор эди, бироқ музокаралар натижа бермади. Transfermarkt маълумотларига кўра, футболчининг трансфер қиймати 20 миллион еврони ташкил этади ва унинг шартномаси 2026 йилгача мўлжалланган.
