Yozda "Chelsi" tarkibida yana katta o‘zgarishlar yuz berdi. Maurisio Pochettino ishdan bo‘shatildi va uning o‘rniga Enso Mareska olib kelindi.
"Ko‘klar"ning yangi bosh murabbiyi transfer oynasi yakuniga qadar jamoa yanada kuchliroq bo‘lishiga umid qilmoqda. Biroq hozircha asosan tozalashlar davom etmoqda.
Insayder Fabrisio Romanoning so‘zlariga ko‘ra, "Chelsi"ning rejalarida David Datro Fofana va Armando Broya yo‘q. Ikkalasi ham tez orada klubni o‘zgartirishi kerak. "Chelsi" ularni ijaraga berish niyatida emas, londonliklar futbolchilar bilan butunlay xayrlashishni afzal ko‘rishadi.
