Ёзда "Челси" таркибида яна катта ўзгаришлар юз берди. Маурисио Почеттино ишдан бўшатилди ва унинг ўрнига Энцо Мареска олиб келинди.
"Кўклар"нинг янги бош мураббийи трансфер ойнаси якунига қадар жамоа янада кучлироқ бўлишига умид қилмоқда. Бироқ ҳозирча асосан тозалашлар давом этмоқда.
Инсайдер Фабрицио Романонинг сўзларига кўра, "Челси"нинг режаларида Давид Датро Фофана ва Армандо Броя йўқ. Иккаласи ҳам тез орада клубни ўзгартириши керак. "Челси" уларни ижарага бериш ниятида эмас, лондонликлар футболчилар билан бутунлай хайрлашишни афзал кўришади.
