2020 yilgi Olimpiada chempioni, ikki karra jahon chempioni, norvegiyalik sportchi Yakob Ingebrigsen 2024 yilgi Olimpiada finalida 1500 metrga yugurish bo‘yicha kutilmagan natijasi haqida fikr bildirdi. Bu masofada Tokio-2020 chempioni Ingebrigsen bor-yo‘g‘i to‘rtinchi o‘rinni egalladi.

Yengil atletika. Olimpiya o‘yinlari 2024, Parij. Erkaklar 1500 m masofaga yugurish. Final:

1. Koul Xoker (AQSH) - 3:27,65 (yangi Olimpiya rekordi).
2. Josh Kerr (Buyuk Britaniya) - 3.27.79.
3. Yared Naguz (AQSH) - 3.27.80.

“Mening rejalarim g‘alaba qozonish edi. Albatta xafa bo‘ldim. Ishlar rejadagidek ketmadi. Biz qanchalik tez chiqib ketganimdan biroz hayratda qoldik.

Keyin sur’atni biroz bo‘shatishga harakat qildim, lekin ikkinchi davrada deyarli xuddi shunday tez yugurdik.

Men o‘zimni xavfli vaziyatga tushib qolgandek his qildim. Boshqalar esa yakunda biroz ko‘proq kuchga ega bo‘lishdi, ammo hozir medalsiz qolganim uchun buning ahamiyati yo‘q.

Bu taktik xato edi, boshida sekinlashishga ulgurmadim, keyin juda qiyin bo‘ldi", - dedi Ingebrigsen marradan keyin.