Ispaniya yoshlar terma jamoasi bosh murabbiyi Santi Deniya Yevro—2024 g‘olibiga aylangan Luis de la Fuente haqida gapirdi.
"Bizda oltin yutish imkoniyati bor va buning uchun kurashamiz. Men bu futbolchilar bilan juda faxrlanaman!
Hozir sodir bo‘layotgan voqealarning aksariyati Luis de la Fuentening muvaffaqiyatli ishi sabablidir.
Ishonchim komilki, u biz bilan faxrlanadi, chunki u bizni biladi, o‘yinchilarni taniydi, ular bilan birga bo‘ldi va ularning o‘sishini ko‘rdi.
Endi umid qilamanki, Olimpiya o‘yinlari futbolchilarga mamlakatning asosiy jamoasi tarkibida o‘ynashiga yordam beradi. Endi final qoldi!" — deya Deniyaning so‘zlarini keltiradi Ispaniyaning Diario de Mallorca nashri.
Final o‘yini 9-avgust, juma kuni “Park de Prens” stadionida bo‘lib o‘tadi.
