"Roma" himoyachisi Evan Ndika jamoaga yangi kelgan Artyom Dovbik haqida gapirdi.
“Hozirgacha men u bilan atigi 2-3 ta mashg‘ulot o‘tkazdim, biroq u juda kuchli markaziy hujumchi ekanligini aytishim uchun ular yetarli bo‘ldi. Men bunga ishonchim komil.
Bu bizning boshqa yangi kelganlarimiz - Enso Le Fe va Matias Soule uchun ham amal qiladi. Bular ham kuchli futbolchilar, texnik mahoratga ega. Ishonchim komilki, ular o‘tgan mavsumdagidan yaxshiroq o‘ynashimizga yordam berishadi.
Biz ularga moslashishga yordam beramiz. Men fransuz tilida gaplashaman, shuning uchun men Ensoga yordam beraman, Paulo Dibala va Leandro Paredes esa Soulega g‘amxo‘rlik qilishadi. Bu ajoyib o‘yinchilar guruhi va biz hammaga imkon qadar tezroq integrasiyalashuviga yordam beramiz”, dedi Ndika.
