O‘zbekistonlik hujumchi Eldor Shomurodov o‘tgan mavsumni «Kalyari»da o‘tkazdi, biroq Sardiniya klubi uni «Roma»dan xarid qilmaslikka qaror qildi.

Endi u yana Genuyada o‘zini ko‘rsatishi mumkin - Shomurodov avvallari «Jenoa»da o‘ynagan, endi esa shonli, ammo og‘ir davrlarni boshdan kechirayotgan «Sampdoriya» uni o‘z safiga qo‘shib olishi mumkin. Hozircha, mumkin bo‘lgan kelishuv tafsilotlari, afsuski, oshkor etilmagan.

Shomurodov 2020/2021 yilgi mavsumda «Jenoa» safida o‘ynagan va o‘sha chempionatda sakkizta gol urgan. Endi u «Sampdoriya»ga o‘tsa, Andrea Pirlodek mutaxassis bilan ishlash imkoniga ega bo‘ladi. U Genuya klubida deyarli bir yildan beri ishlamoqda.