Mikel Merinoning "Arsenal"ga o‘tishi barbod bo‘lishi mumkin.
London klubi yaqin kunlarda "Real Sosyedad" yarim himoyachisi bilan shartnoma imzolash bo‘yicha taklif bilan chiqish va kelishuvga erishish niyatida, deb xabar beradi Noticias de Gipuzkoa. Futbolchining o‘zi "Arsenal"ning o‘yin uslubi, klubning Chempionlar ligasidagi o‘rni va Mikel Arteta unga taklif qilayotgan roliga ishonch hosil qildi.
Qayd etilishicha, transfer boshqa futbolchi bilan bog‘liq vaziyat tufayli xavf ostida qolgan – “Sosyedad” agar o‘sha vaqtga kelib “Liverpul” qiziqish bildirayotgan Martin Subimendini sotsa, Merino uchun muzokaralardan bosh tortadi. "Kanonirlar" buni oldini olish uchun tezkor harakat qilishni rejalashtirmoqda.
Mikelning shartnomasida tovon puli 65 million yevroni tashkil etadi, biroq ispan klubi shartnomasi bir yildan keyin tugaydigan futbolchining transferi uchun bu summani talab qilmaydi. Futbolchining atrofidagilar "Sosyedad" 25 million yevrodan sal ko‘proq summadagi taklifni qabul qilishiga ishonishmoqda.
