Микель Меринонинг "Арсенал"га ўтиши барбод бўлиши мумкин.
Лондон клуби яқин кунларда "Реал Сосьедад" ярим ҳимоячиси билан шартнома имзолаш бўйича таклиф билан чиқиш ва келишувга эришиш ниятида, деб хабар беради Noticias de Gipuzkoa. Футболчининг ўзи "Арсенал"нинг ўйин услуби, клубнинг Чемпионлар лигасидаги ўрни ва Микель Артета унга таклиф қилаётган ролига ишонч ҳосил қилди.
Қайд этилишича, трансфер бошқа футболчи билан боғлиқ вазият туфайли хавф остида қолган – “Сосьедад” агар ўша вақтга келиб “Ливерпуль” қизиқиш билдираётган Мартин Субимендини сотса, Мерино учун музокаралардан бош тортади. "Канонирлар" буни олдини олиш учун тезкор ҳаракат қилишни режалаштирмоқда.
Микелнинг шартномасида товон пули 65 миллион еврони ташкил этади, бироқ испан клуби шартномаси бир йилдан кейин тугайдиган футболчининг трансфери учун бу суммани талаб қилмайди. Футболчининг атрофидагилар "Сосьедад" 25 миллион евродан сал кўпроқ суммадаги таклифни қабул қилишига ишонишмоқда.
