Superliga 14-turining markaziy o‘yinlaridan biri Farg‘onada o‘tadi. Bugun, 10 avgust kuni 62 yillik qarama-qarshilik tarixga ega azaliy raqiblar «Neftchi» va «Dinamo» o‘zaro to‘qnash keladi.
O‘zaro o‘yinlar tarixi: Ustunlik kimda?
1960 yilda tashkil topgan Samarqand klubi va 1962 yilda tashkil etilgan Farg‘ona jamoasi Sobiq Ittifoq chempionatlaridan tashqari, 1992 yildan start olgan O‘zbekiston chempionatlari tarixida o‘zaro 55 marta to‘qnash kelgan.
Superliga va Pro ligadagi natijalar «Neftchi»ning ustunligini ko‘rsatmoqda. Farg‘onaliklar 55 bahsning 37tasida g‘alaba qozongan. Aksariyat g‘alabalar «Neftchi»ning 26 yillik ustozi Yuriy Sarkisyan davriga to‘g‘ri keladi. 14 uchrashuvda «Dinamo»ning qo‘li baland kelgan. 4ta o‘yinda esa durang qayd etilgan.
To‘plar nisbati ham «Neftchi» foydasiga 97-46. O‘yinlarda «Neftchi» 115 ochkoni qo‘lga kiritgan bo‘lsa, «Dinamo» 46 ochkoga ega bo‘lgan.
