"Roma" hujumchisi Paulo Dibala yana Saudiya Arabistoniga o‘tishni rad etdi. Bu safar “Al-Qodisiya” argentinalik yulduzni o‘z safiga tortmoqchi bo‘ldi.
Jurnalist Nikolo Shkira xabariga ko‘ra, Saudiya klubi Dibalaga yiliga 25 million yevro maosh bilan to‘rt yillik shartnoma taklif qilgan, ammo forvard "Roma"da qolishga qaror qilgan. 30 yoshli futbolchi rimliklar bilan sovrin yutishni orzu qiladi.
Futbolchining “Roma” bilan amaldagi shartnomasi 2024/25 yilgi mavsum oxirida yakuniga yetadi. So‘nggi mavsumda jahon chempioni “bo‘rilar” safida 39 ta o‘yinda maydonga tushib, 16 ta gol va 10 ta golli uzatmani amalga oshirgan.
