"Рома" ҳужумчиси Пауло Дибала яна Саудия Арабистонига ўтишни рад этди. Бу сафар “Ал-Қодисия” аргентиналик юлдузни ўз сафига тортмоқчи бўлди.
Журналист Николо Шкира хабарига кўра, Саудия клуби Дибалага йилига 25 миллион евро маош билан тўрт йиллик шартнома таклиф қилган, аммо форвард "Рома"да қолишга қарор қилган. 30 ёшли футболчи римликлар билан соврин ютишни орзу қилади.
Футболчининг “Рома” билан амалдаги шартномаси 2024/25 йилги мавсум охирида якунига етади. Сўнгги мавсумда жаҳон чемпиони “бўрилар” сафида 39 та ўйинда майдонга тушиб, 16 та гол ва 10 та голли узатмани амалга оширган.
