“Manchester Siti” finalda “Manchester Yunayted”ni mag‘lub etib, Angliya Superkubogini qo‘lga kiritdi. Bu “Manchester Siti”ning Angliya Superkubogidagi yettinchi g‘alabasi bo‘ldi. "Shaharliklar" himoyachisi Manuel Akanji o‘z jamoasi uchun muvaffaqiyatli kechgan o‘yin voqealariga izoh berdi. U o‘yin jamoadoshlari uchun oson bo‘lmaganini tan oldi:
"Bu oson bo‘lmadi. “Manchester Yunayted” qaysidir nuqtada yaxshiroq o‘ynadi va haqli ravishda hisobni ochdi. Ammo keyin Bobb Bernardu Silvaga ajoyib to‘p uzatdi va biz hisobni tenglashtirdik", - deya Akanjining so‘zlarini keltiradi BBC Sport.
