“Манчестер Сити” финалда “Манчестер Юнайтед”ни мағлуб этиб, Англия Суперкубогини қўлга киритди. Бу “Манчестер Сити”нинг Англия Суперкубогидаги еттинчи ғалабаси бўлди. "Шаҳарликлар" ҳимоячиси Мануэль Аканжи ўз жамоаси учун муваффақиятли кечган ўйин воқеаларига изоҳ берди. У ўйин жамоадошлари учун осон бўлмаганини тан олди:

"Бу осон бўлмади. “Манчестер Юнайтед” қайсидир нуқтада яхшироқ ўйнади ва ҳақли равишда ҳисобни очди. Аммо кейин Бобб Бернарду Силвага ажойиб тўп узатди ва биз ҳисобни тенглаштирдик", - дея Аканжининг сўзларини келтиради BBC Sport.