“Manchester Siti” finalda penaltilar seriyasida aniqroq harakat qilib, “Manchester Yunayted”ni mag‘lub etdi va Angliya Superkubogini qo‘lga kiritdi. Jeydon Sancho Erik ten Xag jamoasida xatoga yo‘l qo‘ygan futbolchilardan biri bo‘ldi, ammo jamoa murabbiyi undan g‘azablanmadi, aksincha, futbolchining kayfiyatini ko‘tarishga harakat qiladi:
"U penaltini juda yaxshi tepadi, bugun u xato qildi, ammo bu o‘yinning bir qismi", - deya Erik ten Xag so‘zlarini keltiradi BBC Sport.
Eslatib o‘tamiz, Angliya chempionati 16 avgust kuni start oladi, "Manchester Yunayted" Londonning "Fulxem" klubi bilan o‘ynaydi.
