Londondagi «Emireyts» stadionida «Arsenal» Fransiyaning «Lion» klubi ustidan g‘alaba qozongan (2:0) Emireyts kubogi o‘rtoqlik turniri doirasidagi o‘yin yakuniga yetdi. Bu musobaqada bu yilgi yagona uchrashuv bo‘lib, natijada «kanonirlar» musobaqa g‘olibiga aylanishdi.
Bu o‘yindagi ikkala gol ham birinchi bo‘limda kiritildi. To‘qqizinchi daqiqada Uilyam Saliba turnir mezbonlarini hisobda oldinga olib chiqqan bo‘lsa, 27-daqiqada Gabriel Magalyans uchrashuvning yakuniy hisobini o‘rnatdi.
Eslatib o‘tamiz, turnirdagi g‘alabalar soni bo‘yicha «Arsenal» rekordchi hisoblanadi: klub bungacha 2007, 2009, 2010 va 2015 yillarda g‘alaba qozongan. 2008 yilda Germaniyaning «Gamburg» klubi, 2013 yilda Turkiyaning «Galatasaroy» klubi, 2014 yilda esa Ispaniyaning «Valensiya» klubi g‘oliblikni qo‘lga kiritdi.
