Italiyaning «Milan» klubi markaziy himoyachisi Pyer Kalyulyu A Seriyaning boshqa klubiga o‘tishi mumkin. Jurnalist Fabrisio Romano xabariga ko‘ra, fransiyalik futbolchining xizmatlariga Turinning «Yuventus» klubi qiziqmoqda.

Manbaga ko‘ra, «keksa sinyora» futbolchini ijaraga olish uchun 14 millionga sotib olish imkoniyati bilan 3 million yevro taklif qilgan. Qayd etilishicha, Kalyulyuning o‘zi ham «Yuventus»ga o‘tishga tayyor.

O‘tgan mavsum davomida fransuz Italiya chempionatida «Milan» uchun bor-yo‘g‘i 9 ta o‘yin o‘tkazdi.