Dmitriy Bivolning murabbiyi Gennadiy Mashyanov Bahodir Jalolovning Olimpiadadagi g‘alabasi haqida fikr bildirdi.
"Bu Olimpiadada Jalolovga xech kim qarshilik ko‘rsata olmadi. U raqiblaridan mahorat bobida yuqori darajada turadi. Olimpiadadagi janglarda Bahodirga noqulaylik tug‘dirgan raqiblarni ko‘rmadim.
U barchasini xotirjam hal qildi. Agar u e’tiborini profiga qaratsa, jahon chempioni bo‘lishga uzoq vaqt ketmaydi.
U 2020 yilgi Olimpiadadan so‘ng profiga ketishni rejalashtirgandi. Agar shunday bo‘lganda u hozir superog‘ir vaznning yetakchilaridan biri bo‘lardi.
Lekin u vatani oldidagi vazifasini bajarib, yana bir oltin medalni taqdim etdi", - dedi murabbiy.
