Kataloniyaning «Barselona» klubi «Liverpul» vingeri Luis Dias ushbu transfer oynasida «Kamp Nou»ga o‘tmoqchi ekanligiga ishonch bildirmoqda. "Mundo Deportivo" xabariga ko‘ra, «blaugrana» kolumbiyalik futbolchini qo‘lga kiritish borasidagi urinishlaridan voz kechmayapti.
Qayd etilishicha, «Liverpul» Dias uchun 60-65 million yevro miqdorida tovon puli talab qilmoqda. «Barselona» chap qanot hujumi pozisiyasini kuchaytirishi kerak, ammo kerakli miqdor hozirgacha kataloniyaliklar rahbariyatini harakatdan to‘xtatib qo‘ygan.
Eslatib o‘tamiz, «Barselona» hozirgi klubida qolishga qaror qilgan «Atletik Bilbao»dan Niko Uilyamsning transferi bo‘yicha kelisha olmaganidan so‘ng Dias variantiga o‘tgan edi.
