Braziliyalik vinger Villian "Fulxem" bilan xayrlashdi. 36 yoshli futbolchi erkin agentga aylandi.
"Fulxem"ga ajoyib ikki yil uchun rahmat aytmoqchiman. Premyer-ligaga qaytish va bu tarixiy klub va ajoyib muxlislarning bir qismi bo‘lish alohida ahamiyatga ega edi.
Men aql bovar qilmaydigan damlarni boshdan kechirdim va bu klub qalbimda doimo alohida o‘rin egallaydi.
"Fulxem" rahbari Toni Xon va klub boshqaruviga so‘nggi ikki yil davomida menga ko‘rsatgan hurmat va mehrlari uchun minnatdorchilik bildirmoqchiman.
Biz birga bo‘lganimiz davomida meni qo‘llab-quvvatlagan murabbiyimiz Marko Silvaga alohida rahmat.
"Fulxem"ga oldinda turgan qiyinchiliklarda omad tilayman va kelajakda jamoani jonli ravishda qo‘llab-quvvatlash imkoniyatiga ega bo‘lishiga umid qilaman", - deb yozdi Villian ijtimoiy tarmoqda.
Villian o‘tgan mavsumda "Fulxem" safida 37 ta o‘yinda maydonga tushib, 4 ta gol urdi va 2 ta golli uzatmani amalga oshirdi.
