Adam Glojek «Bayer»dan «Xoffenxaym»ga o‘tdi.
«Xoffenxaym» 22 yoshli hujumchi transferini e’lon qildi va u bilan uzoq muddatli shartnoma imzoladi.
Nemis klubi chexiyalik futbolchining transferi uchun «Bayer»ga 17 million yevro to‘lagan. Bonuslarni hisobga olsak, bu miqdor 19 milliongacha oshishi mumkin, deb xabar berdi jurnalist Florian Plettenberg.
Bu «Xoffenxaym» uchun rekord xarid hisoblanadi.
O‘tgan mavsumda Adam Glojek Bundesliganing 23 uchrashuvida 2 ta gol urdi va 3 ta golli uzatmani amalga oshirdi va o‘rtacha 19 daqiqani maydonda o‘tkazdi.
