"Borussiya" Yusuf Mukokoni "Betis"ga ijaraga berishi mumkin.
Florian Plettenbergning so‘zlariga ko‘ra, 19 yoshli forvard "Betis" bilan prinsipial jihatdan og‘zaki kelishuvga erishgan. Futbolchi yangi klubga o‘tish uchun maoshini kamaytirishga tayyor. Mukokoning hozirgi maoshi soliqlardan tashqari yiliga 6 million yevro.
"Betis" Dortmund klubiga taklif bilan chiqdi. Muzokaralar davom etmoqda. Bu sotib olish majburiyati bilan ijara bo‘lishi mumkin. Qayd etilishicha, sotib olish shartlariga osonlik bilan erishish mumkin.
