Husniddin Aliqulov Turkiya klubi «Rizespor»da bu mavsumdagi ketma-ket ikkinchi o‘yinida ham gol kiritdi.

Futbolchimiz 1-turda «Bashakshehir» klubi darvozasiga yo‘l topgandi. Kecha bo‘lib o‘tgan 2-tur bahsida, Husniddin «Adana Demirspor» klubi postiga ham yo‘l topdi. Jamoasi esa 2:1 hisobida g‘alaba qozongan holda, turnir jadvalining 2-o‘riniga ko‘tarilib oldi.

SofaScore portali versiyasiga ko‘ra, Aliqulov «Rizespor»ning 2 ta o‘yinda eng yuqori ball to‘plagan futbolchisi bo‘lib turibdi. (15.5 ball).