Angliyada chempionatning 1-turi o‘z nihoyasiga yetmoqda Londonning «Chelsi» klubi o‘z maydonida «Manchester Siti»ni qabul qildi va mamlakat chempioniga 0:2 hisobida imkoniyatni boy berib qo‘ydi. Pep Gvardiola jamoasining g‘alabasidan hayratda qoldi, chunki uning fikricha, o‘z futbolchilari optimal formada emas edi.
«Rostini aytsam, men juda hayronman. Biz optimal formamizdan yiroq edik, ammo baribir uch ochko oldik. Biz «Chelsi» stadionida anchadan beri g‘alaba qozona olmayotgandik, bu ham yaxshi. Yomon tomoni shundaki, oldinda yana 65 ta o‘yin bor», - deya Gvardiola so‘zlarini keltiradi BBC Sport.
Angliya chempionatining navbatdagi turida «Manchester Siti» «Ipsvich»ga qarshi bahs olib boradi.
