«Barselona»ga yangi kelgan Dani Olmo tezroq jamoada debyutini o‘tkazmoqchi.
Yevropa chempionini Kataloniya klubi 9 avgust kuni «RB Leypsig»dan sotib olgandi, biroq "ko‘k-anorranglilar" yarim himoyachini darhol ro‘yxatdan o‘tkaza olishmadi. "Sport" xabariga ko‘ra, Olmo qizg‘in mashg‘ulotlar olib bormoqda - u o‘ynash uchun kerakli jismoniy holatga yetib bo‘lgan. Ispaniyalik futbolchi shanba kuni bo‘lib o‘tadigan «Atletik Bilbao»ga qarshi La Liga 2-tur o‘yinida ishtirok etishga umid qilmoqda, ammo «Barselona» ro‘yxatdan o‘tishga shoshilishi kerak.
Xans-Diter Flik shogirdlari yangi Ispaniya chempionatini «Valensiya» ustidan irodali g‘alaba (2:1) bilan boshladi.
