«Барселона»га янги келган Дани Ольмо тезроқ жамоада дебютини ўтказмоқчи.
Европа чемпионини Каталония клуби 9 август куни «РБ Лейпциг»дан сотиб олганди, бироқ "кўк-анорранглилар" ярим ҳимоячини дарҳол рўйхатдан ўтказа олишмади. "Sport" хабарига кўра, Ольмо қизғин машғулотлар олиб бормоқда - у ўйнаш учун керакли жисмоний ҳолатга етиб бўлган. Испаниялик футболчи шанба куни бўлиб ўтадиган «Атлетик Бильбао»га қарши Ла Лига 2-тур ўйинида иштирок этишга умид қилмоқда, аммо «Барселона» рўйхатдан ўтишга шошилиши керак.
Ханс-Дитер Флик шогирдлари янги Испания чемпионатини «Валенсия» устидан иродали ғалаба (2:1) билан бошлади.
