Karlton Koul Roman Abramovich uni SSKAga yubormoqchi bo‘lganini esladi.

«2005/06 yilgi mavsumdan so‘ng men tez-tez o‘ynashim uchun boshqa klubga o‘tishim kerakligini angladim.

“Tottenxem” menga yoqdi. “Shporlar” bazasiga bordim, hamma bilan uchrashdim va tibbiy ko‘rikdan o‘tdim. Mening tizzamda muammo bor edi, lekin menimcha, Daniel Levi bundan o‘z manfaati uchun foydalanmoqchi edi. U "Chelsi"ga shu sababli chegirma talab qilishini aytdi.

Bu boshliq Roman Abramovichni ogohlantirdi. Menga qo‘ng‘iroq qilishdi, u bilan "Stemford Brij"da uchrashishim kerakligini aytdi.

Bir piyola kofe ustida Abramovich menga SSKAga o‘tishimni xohlayotganini aytdi. Men javob berdim: "Men Rossiyaga borishni xohlamayman"

Keyin Roman menga tarjimon orqali shunday dedi: “Siz “Tottenxem”ga bormaysiz. Men u bilan ishlamayman.

Shunday ekan, bu fikrni boshingizdan chiqarib tashlang”, - deya Abramovichning so‘zlarini eslaydi “Chelsi”ning sobiq hujumchisi.