«Valensiya» darvozaboni Giorgi Mamardashvilining «Liverpul»ga transferi barbod bo‘lishi mumkin, deb yozadi "Marca".
Ispaniya klubi xo‘jayini Peter Lim 23 yoshli gruziyalik uchun kamida 40 million yevro talab qilmoqda, ammo «Liverpul» mos taklif bilan chiqmayapti. Tomonlar o‘rtasida barcha muzokaralarni izdan chiqarishi mumkin bo‘lgan «sovuq urush» paydo bo‘ldi. Hozir futbolchini transfer qilish operasiyasi eng keskin pallada, barchasi mersisaydliklar 40 million yevroga rozi bo‘ladimi-yo‘qligiga bog‘liq.
Oldinroq «Liverpul» Mamardashvilini o‘z safiga qo‘shib, darhol «Bornmut»ga ijaraga berishi haqida xabarlar tarqalgan edi.
