«Валенсия» дарвозабони Гиорги Мамардашвилининг «Ливерпуль»га трансфери барбод бўлиши мумкин, деб ёзади "Marca".
Испания клуби хўжайини Петер Лим 23 ёшли грузиялик учун камида 40 миллион евро талаб қилмоқда, аммо «Ливерпуль» мос таклиф билан чиқмаяпти. Томонлар ўртасида барча музокараларни издан чиқариши мумкин бўлган «совуқ уруш» пайдо бўлди. Ҳозир футболчини трансфер қилиш операцияси энг кескин паллада, барчаси мерсисайдликлар 40 миллион еврога рози бўладими-йўқлигига боғлиқ.
Олдинроқ «Ливерпуль» Мамардашвилини ўз сафига қўшиб, дарҳол «Борнмут»га ижарага бериши ҳақида хабарлар тарқалган эди.
