Yozda "Bavariya"ga o‘tgan portugaliyalik yarim himoyachi Joau Palinya o‘tgan mavsumda "Fulxem"dan Myunxen klubiga o‘ta olmagani haqidagi xotiralari bilan o‘rtoqlashdi.

"Transfer amalga oshirilgandan keyin qandaydir yengillik his qildingizmi? Ha, albatta. Menimcha, agar biror narsa sodir bo‘lmasa, buning sababi bor, degan mentalitet bor. O‘tgan yozda transfer barbod bo‘lganidan keyin men shunday deb o‘yladim. Agar kelajakda biror narsa sodir bo‘lishi kerak bo‘lsa, u sodir bo‘ladi. Va shunday bo‘ldi.

Transfer muvaffaqiyatsizligidan keyingi mavsum? Bu qiyin vaqt edi, lekin aytganimdek, “Fulxem”da o‘ynashda davom etishim kerakligini bilardim. Albatta, birinchi haftalar men uchun qiyin kechdi. Bosh murabbiy bilan gaplashdim va u yuqori darajamga qaytishimga yordam berdi.

“Fulxem”da ajoyib mavsum o‘tkazdim, bu meni shu yerga olib keldi. “Fulxem”dagi vazifamni bajarmaganimda bu yerda bo‘lmagan bo‘lardim. Ikkinchi imkoniyat esa u yerda ham, terma jamoada ham yaxshi ishlaganim uchun keldi. Endi men bu yerda sovrinlar uchun kurashishga tayyorman", - deya Palinyaning so‘zlarini keltiradi Bundesliga rasmiy sayti.