«Barselona» Ilkay bilan ham Obameyangga ishlatilgan tryukni amalga oshirmoqchi edi, o‘xshamadi.

Esingizda bo‘lsa, Obameyang «Arsenal»dan tekinga o‘tgan, yarim yil o‘tib esa, klub yaxshi pulga sotib yuborgandi.

Xabarlarga qaraganda, «Barselona» Gyundoganni «An Nasr»ga taklif etgan, ammo yo arablar yo futbolchi rad etib, transfer o‘xshamay qoldi.

Olmoni ro‘yxatga olish uchun esa klub maoshlarni yengillatishi (La Ligada klub o‘z daromadidan ma’lum belgilangan foizinigina maoshlarga sarflay oladi) shart edi. Yiliga 16 million yevro oladigan Ilkay esa, bu borada eng yaxshi nomzod hisoblanadi.

Bilmadim, «Barselona» muxlislari uchun Olmoning kelgani bilan o‘tgan mavsum eng yaxshi o‘yinchisining ketgani taroziga tortilsa, qaysi tomon og‘ir kelarkin?