«Барселона» Илкай билан ҳам Обамеянгга ишлатилган трюкни амалга оширмоқчи эди, ўхшамади.
Эсингизда бўлса, Обамеянг «Арсенал»дан текинга ўтган, ярим йил ўтиб эса, клуб яхши пулга сотиб юборганди.
Хабарларга қараганда, «Барселона» Гюндоганни «Ан Наср»га таклиф этган, аммо ё араблар ё футболчи рад этиб, трансфер ўхшамай қолди.
Ольмони рўйхатга олиш учун эса клуб маошларни енгиллатиши (Ла Лигада клуб ўз даромадидан маълум белгиланган фоизинигина маошларга сарфлай олади) шарт эди. Йилига 16 миллион евро оладиган Илкай эса, бу борада энг яхши номзод ҳисобланади.
Билмадим, «Барселона» мухлислари учун Ольмонинг келгани билан ўтган мавсум энг яхши ўйинчисининг кетгани тарозига тортилса, қайси томон оғир келаркин?
