“Liverpul” hujumchisi Muhammad Salohning kelajagi noaniqligicha qolmoqda. Misrlik futbolchining amaldagi shartnomasi joriy mavsum oxirida yakuniga yetadi.

Mish-mishlarga ko‘ra, 32 yoshli futbolchi shartnomasini yangilamaydi va erkin agent sifatida ketadi. Shu bilan birga, The Athletic qayd etganidek, Saloh "Liverpul"dagi merosini xavf ostiga qo‘ymaydi, shuning uchun u hech qanday sharoitda ham "Manchester Siti" yoki "Manchester Yunayted"ga o‘tmaydi, lekin Londondan kelgan takliflarni ko‘rib chiqishi mumkin.

Futbolchi Angliya poytaxtiga tashrif buyurishni yaxshi ko‘radi. Faoliyati boshida Muhammad Saloh Londonning “Chelsi” jamoasida o‘ynagan, biroq hech qachon o‘zining eng yaxshi fazilatlarini ko‘rsatmagan.