“Ливерпуль” ҳужумчиси Муҳаммад Салоҳнинг келажаги ноаниқлигича қолмоқда. Мисрлик футболчининг амалдаги шартномаси жорий мавсум охирида якунига етади.
Миш-мишларга кўра, 32 ёшли футболчи шартномасини янгиламайди ва эркин агент сифатида кетади. Шу билан бирга, The Athletic қайд этганидек, Салоҳ "Ливерпул"даги меросини хавф остига қўймайди, шунинг учун у ҳеч қандай шароитда ҳам "Манчестер Сити" ёки "Манчестер Юнайтед"га ўтмайди, лекин Лондондан келган таклифларни кўриб чиқиши мумкин.
Футболчи Англия пойтахтига ташриф буюришни яхши кўради. Фаолияти бошида Муҳаммад Салоҳ Лондоннинг “Челси” жамоасида ўйнаган, бироқ ҳеч қачон ўзининг энг яхши фазилатларини кўрсатмаган.
